Webinar “O bosque atrapado na cidade”

Dende o proxecto #SonArbore, queremos convidarvos ao noso 5º webminar: “O bosque atrapado na cidade: Biodiversidade e estratexias de conservación”

Nesta ocasión Laura Iglesias e Antonio Ferreirós, ornitólogos e naturalistas, compartirán con nós a riqueza e biodiversidade identificadas nos espazos urbáns. Porque as cidades e as súas contornas periurbanas ocultan infinidade de especies tanto animais como vexetais que nos acompañaron no éxodo dende o rural, e que dalgunha forma foron traídas a este medio polo ser humano. Así, somos responsables da súa conservación e benestar. Recoñecer a estos seres como co-habitantes de pleno dereito das nosas cidades, identificar as súas necesidades e respectalas, é o primeiro paso para a súa conservación.

Ao remata-la sesión (de apróximadamente 45 minutos) poderemos plantexarlles as nosas dúbidas.

• Cando:19:00h xoves 8 de abril 2021
• Onde: Encontrarémonos na canle de Youtube de #SonÁrbore