Actualidade de AGAEXAR e do sector
Novo Convenio Colectivo Estatal de Xardinería
A Federación Española de Empresas de Xardinería (FEEJ) abordou recentemente as implicacións do novo Convenio Colectivo Estatal de Xardinería nunha sesión informativa dirixida especialmente a pequenas e medianas empresas e a profesionais autónomos con persoal ao seu cargo.
Este novo marco normativo introduce cambios relevantes na xestión laboral, polo que resulta fundamental manterse actualizado e coñecer a súa correcta aplicación na práctica profesional.
Durante a sesión puxéronse de manifesto algunhas cuestións clave para o sector. O convenio, en vigor desde xaneiro de 2026, contempla incrementos salariais progresivos nos vindeiros anos, cun impacto directo na estrutura de custos das empresas.
Así mesmo, sinalouse a dificultade de aplicación deste marco en contratos públicos, debido á normativa vixente que limita a revisión de prezos durante a súa execución, o que pode afectar especialmente ás pemes fronte ás grandes empresas.
Participación en Expomunicipal 2026
AGAEXAR participou en Expomunicipal 2026 con diferentes xornadas técnicas dirixidas ao ámbito municipal. Entre elas, destacaron as sesións sobre elección de arborado público e xestión municipal de residuos.
Estas iniciativas permiten trasladar coñecemento técnico e boas prácticas ás administracións locais, reforzando o papel do sector na xestión sostible dos espazos verdes.
Novo acordo con Banco Sabadell
AGAEXAR vén de asinar un acordo de colaboración con Banco Sabadell, a través de Sabadell Professional, co obxectivo de ofrecer solucións financeiras adaptadas ás necesidades das empresas asociadas.
Este convenio permitirá acceder a condicións vantaxosas e contar cun acompañamento personalizado por parte de xestores especializados.
Vantaxes para as persoas asociadas a AGAEXAR
A través do acordo de colaboración da Federación Española de Empresas de Xardinería (FEEJ) coa Federación Nacional de Asociacións de Traballadores Autónomos (ATA), as empresas asociadas poden acceder a diferentes servizos e vantaxes orientadas a mellorar a súa actividade profesional.
Este acordo, recentemente formalizado, amplía os recursos dispoñibles para os profesionais autónomos do sector.
Entre os principais recursos dispoñibles destacan:
– Servizos de asesoramento técnico, xurídico e administrativo.
– Acceso a formación e información actualizada.
– Vantaxes en servizos vinculados á actividade empresarial.
– Apoio na xestión e desenvolvemento profesional.
Descontos en carburante
Entre as vantaxes dispoñibles, destaca especialmente o acceso a descontos en carburante, que poden acadar ata máis de 20 céntimos por litro en función do provedor e as condicións.
Unha medida que pode supoñer un aforro significativo no día a día das empresas do sector.
Como acceder a estas vantaxes
As empresas asociadas poden resolver dúbidas e acceder a estes servizos a través de ATA:
👉 Consulta directa: https://ata.es/formulario-consultas-organizaciones-integradas/
👉 Teléfono: 900 10 18 16
*Importante: indicar que se trata dunha empresa asociada a AGAEXAR e a súa vez á FEEJ.*
Novas incorporacións
AGAEXAR continúa medrando coa incorporación de novas empresas que reforzan a rede profesional do sector.
Damos a benvida a:
Xardinería VIVAN
Empresa fundada por Iván Vigo Barreiro, especializada no deseño, creación e mantemento de espazos verdes, cun enfoque profesional e coidado na execución de cada proxecto.
A súa incorporación contribúe a seguir consolidando unha asociación máis forte, conectada e representativa.
Novidades de empresas colaboradoras
ICL Everris
ICL presentou a nova gama Greenmaster Liquid Advance, un avance significativo na xestión do estrés en céspede profesional.
Esta nova liña de fertilizantes líquidos combina nutrición foliar con tecnoloxía bioestimulante, incorporando MTU®, unha molécula patentada que mellora a eficiencia da planta en condicións adversas como temperaturas extremas, baixa luminosidade ou desgaste intenso.
Entre os principais beneficios destacan unha resposta máis consistente do céspede, mellor retención de cor, maior recuperación e unha maior resiliencia fronte ao estrés.
Grupo Greens
O Grupo Greens presentou os seus novos catálogos de primavera/verán 2026, nos que destacan importantes novidades en maquinaria para o mantemento profesional de xardíns.
Honda incorpora novos equipos como biotrituradoras e cortacéspedes profesionais, mentres que ECHO continúa reforzando a súa gama tanto en maquinaria a gasolina como en solucións de batería profesional.
Estas novas propostas responden ás necesidades actuais do sector, combinando potencia, eficiencia e innovación en equipos deseñados para un uso intensivo.
👉 Fai click nos catálogos para máis información.
Rain Bird
Rain Bird presenta a súa electroválvula HV combinada co solenoide DV, unha solución deseñada para ofrecer un funcionamento fiable e duradeiro en sistemas de rega de uso intensivo.
Esta combinación permite mellorar a eficiencia e a estabilidade do sistema, facilitando unha xestión máis sostible dos espazos verdes a longo prazo, mesmo en condicións de alta demanda.
O deseño optimizado deste sistema contribúe a garantir un rendemento constante, adaptado ás esixencias reais dos proxectos profesionais.
Podes consultar o conxunto de empresas colaboradoras e acceder á súa información completa na web de AGAEXAR.
Oportunidades e iniciativas do sector
A Asociación Española de Paisaxistas (AEP) organiza un viaxe técnico a Noruega dirixido a profesionais do sector, centrado no coñecemento de proxectos paisaxísticos en contornas naturais de gran valor.
Esta iniciativa ofrece unha oportunidade única para coñecer de primeira man intervencións de referencia e compartir experiencias con outros profesionais do ámbito da paisaxe.
Comentarios recientes